ခေတ်သစ် အွန်လိုင်းသင်ယူမှုအတွက် မိဘများသိထားသင့်သည့် နည်းပညာများအကြောင်း

နည်းပညာနဲ့ပတ်သက်ပြီး ရင်းနှီးကျွမ်းဝင်တဲ့မိဘတွေရှိသလို ၊ မကျွမ်းဝင်တဲ့မိဘတွေလည်း ရှိပါတယ်။ ခေတ်သစ်အွန်လိုင်းသင်ယူမှုနဲ့ပတ်သက်ပြီးတော့လည်း မိဘတွေအနေနဲ့ အနည်းနဲ့အများ စိန်ခေါ်မှုတွေ၊ အငြင်းပွားဖွယ်ရာ တွေရှိတာ တွေ့ရပါတယ် ။ ဒါပေမယ့် အချိန်ကြာလာတဲ့အခါမှာ ကိုယ့်ကလေးပညာရေးနောက် မကျရအောင်၊ လိုက်လျောညီထွေနေနိုင်အောင် ခေတ်သစ်အွန်လွန်းသင်ယူမှုနဲ့ပတ်သက်ပြီး မိဘတွေအနေနဲ့ နည်းပညာဆိုင်ရာ ဗဟုသုတများ လေ့လာထားသင့်ပါတယ်။ ဒါကြောင့် အခုဆောင်းပါးလေးမှာ ခေတ်သစ်အွန်လိုင်းသင်ယူမှုအတွက် မိဘများသိထား သင့်သည့် နည်းပညာများအကြောင်းကို ဝေမျှပေးလိုက်ပါရစေ။ ၁ ) သင်ယူနိုင်မယ့် မီဒီယာများ မိဘများအနေနဲ့ ခေတ်သစ်အွန်လိုင်းသင်ယူမှုအတွက် သင်ကြားမှုကို အထောက်အကူပြုပေးနိုင်သည့် မီဒီယာများ ကို ဦးစွာ လေ့လာသိရှိထားဖို့လိုပါတယ်။ လက်ရှိမြန်မာနိုင်ငံမှာ အသုံးပြုသင်ကြားနေတဲ့မီဒီယာများမှာ ကွန်ပျူ တာ ၊ Laptop ၊ ဖုန်း ၊ Tablet စတဲ့ အီလက်ထရောနစ် Device များကိုအသုံးပြုပြီး zoom, google meet, Facebook messenger, viber group ဖွဲ့ပြီး သင်ကြားလျက်ရှိပါတယ် ။ အခုဖော်ပြပေးလိုက်တဲ့ မီဒီယာများဟာ သင်တန်းကျောင်းအများစု အသုံးပြုသင်ကြားနေတဲ့ မီဒီယာတွေပဲ ဖြစ်ပါတယ်။ ဒါကြောင့် မိဘတွေအနေနဲ့ အခု မီဒီယာများရဲ့အသုံးပြုပုံကို အဓိကထားလေ့လာဖို့ အကြံပေးလိုက်ပါရစေ။ ၂ ) Scheduling screen time ( Screen Time အချိန်သတ်မှတ်ခြင်း ) ခေတ်သစ်အွန်လိုင်းသင်ယူမှုမှာ ကျောင်းသားတွေကို စည်းကမ်းသတ်မှတ်ဖို့နဲ့ ထိန်းသိမ်းဖို့ ဘယ်လောက်ခက်ခဲ မလဲဆိုတာ နားလည်ပါတယ်။ ( ဥပမာ - စာသင်နေတယ်လို့ပြောပေမယ့် ဂိမ်းကစားနေတာမျိုးကို ဆိုလိုခြင်းဖြစ် ပါတယ်။ ) ဒါ့အပြင် အားလပ်ချိန်တွေမှာ ဖုန်းအလွန်အကျွံသုံးတာ၊ ဂိမ်းဆော့တာမျိုးတွေ လုပ်နိုင်ပါတယ်။ ဒါပေ မယ့် ဘာမှမစိုးရိမ်ပါနဲ့။ Scheduling screen time ပြုလုပ်ပေးခြင်းဖြင့် သတ်မှတ်ထားတဲ့ အချိန်ကာလတစ်ခုမှာ သာ အသုံးပြုနိုင်မှာပဲ ဖြစ်ပါတယ်။ ကိုယ့်သားသမီး မိုဘိုင်း ဖုန်း ၊ ကွန်ပျူတာအလွန်အကျွံသုံးစွဲခြင်းမှ ကာကွယ် နိုင်မှာပါ။ ဒီနည်းပညာဟာ ခေတ်သစ်အွန်လိုင်းသင်ယူမှုအတွက် သိထားသင့်တဲ့ နည်းပညာပဲ ဖြစ်ပါတယ်။ ၃ ) Restricting access to apps ( App ထဲဝင်ရောက်မှုကို ကန့်သတ်ခြင်း ) ခေတ်သစ်အွန်လိုင်းသင်ယူမှုအတွက် နောက်ထပ်သိထားသင့်တဲ့ နည်းပညာက “ App များထဲဝင်ရောက်ခြင်း ကန့် သတ်ခြင်း ” နည်းပညာပဲ ဖြစ်ပါတယ်။ ကျောင်းသားတွေဆိုတာ သိတဲ့အတိုင်း စာသင်နေတယ်သာပြောတာ လူမှု မီဒီယာသုံးတာတို့ ၊ ဂိမ်းဆော့တာတို့တွေ လုပ်နေနိုင်ပါတယ်။ ဒီတော့ မိဘများအနေနဲ့ နည်းပညာကို အသုံးချပြီး ပညာရေး App တွေ ၊ အသုံးဝင်တဲ့ App များထဲကိုသာ ဝင်ရောက်နိုင်အောင် ပြုလုပ်နိုင်ပါတယ်။ အခုလိုပြု လုပ်ခြင်းဖြင့် ကလေးတွေရဲ့ ပညာရေး တိုးတက်လာအောင် အထောက်အကူပြုပေးနိုင်မှာပဲ ဖြစ်ပါတယ်။ ၄ ) Limiting app usage ( App အသုံးပြုမှုကို ကန့်သတ်ခြင်း ) မိဘတွေအနေနဲ့ ကိုယ့်ကလေးဟာ တစ်နေ့ကို YouTube (သို့) ဂိမ်းတွင် အချိန်ဘယ်လောက်သုံးစွဲနေလဲ သိပါ သလား? မိဘရှေ့မှာ သုံးတဲ့အချိန်ရှိသလို ၊ မိဘမသိအောင်သုံးတဲ့အချိန်တွေလည်းရှိမှာပါ။ ဒါကြောင့် သူတို့ကို ဆူပူခြိမ်းခြောက်ပြီး ထိန်းချုပ်ဖို့က ခက်ခဲမှာပါ။ ဒါကြောင့် မိဘတွေအနေနဲ့ App-limit function ကို အသုံးပြုပြီး device တွေထဲက app အသုံးပြုမှုကို ထိန်းချုပ်နိုင်အောင် နဲ့ ခွဲခြားစိတ်ဖြာမှုများ ပြုလုပ်နိုင်ပါတယ်။ အခုလိုပြု လုပ်ခြင်းက ကလေးတွေ အိမ်စာလုပ်တာ အချိန်ဘယ် လောက်သုံးလဲ ၊ ဂိမ်းဆော့တာ အချိန်ဘယ်လောက်သုံးလဲ ဆိုတာနှိုင်းယှဉ်ကြည့်နိုင်မှာပဲ ဖြစ်ပါတယ်။ ၅ ) Monitoring device activities ( Device activities များကို စောင့်ကြည့်ခြင်း ) ကွန်ပျူတာတို့ ၊ မိုဘိုင်းဖုန်းတို့မှာ ဒီဇိုင်းလေ့လာခြင်း၊ စာဖတ်ခြင်း၊ အိမ်စာများ လေ့ကျင့်ခြင်း ၊ ဝါသနာပါရာ လေ့ လာခြင်း ၊ ဂိမ်းဆော့ခြင်း စတဲ့ မတူညီတဲ့ activities များစွာကို ပြုလုပ်နိုင်ပါတယ်။ ကလေးတွေအတွက် ပညာ ရေးမှာ အထောက်အကူပြုနိုင်တဲ့ ဝက်ဘ်ဆိုက်တွေ၊ အက်ပလီကေးရှင်းတွေ အများကြီးရှိသလို အနှောင့်အယှက် ဖြစ်စေနိုင်တဲ့ ဝက်ဘ်ဆိုက်တွေ၊ အက်ပလီကေးရှင်းတွေလည်း များစွာရှိပါတယ်။ ဒါကြောင့် Device activities များကို Monitoring လုပ်ပေးတဲ့ App များကို အသုံးပြုဖို့ အကြံပေးလိုက်ပါတယ်။ ၆ ) Multiple device controls ( Device မျိုးစုံကို ထိန်းချုပ်ခြင်း ) ခေတ်သစ်အွန်လိုင်းသင်ယူမှုအတွက် ဒီနည်းပညာကလည်း သိထားသင့်တဲ့နည်းပညာပဲ ဖြစ်ပါတယ်။ ကိုယ် မသိတဲ့အချိန်မှာ ကျောင်းစာမလုပ်ဘဲ အချိန်ဖြန်းမှာ ၊ ထိန်းချုပ်မှုအောက်ကလွတ်သွားမှာကို ကာကွယ်ဖို့ပဲ ဖြစ်ပါတယ်။ Device ထိန်းချုပ်မှုအကောင့်ကို မိသားစုဝင်များကို ဝေမျှထားလိုက်ပါ။ အခုလို ဝေမျှထားခြင်းဖြင့် အုပ်ထိန်းသူများ၊ မိဘများအားလုံးပါဝင်ပြီး ကွန်ပျူတာ ၊ မိုဘိုင်ဖုန်း သုံးစွဲမှုကို ထိန်းချုပ်စီမံနိုင်မှာပဲ ဖြစ်ပါတယ်။ #အခုဆို မိဘတွေလည်း ခေတ်သစ်အွန်လိုင်းသင်ယူမှုအတွက် သိထားသင့်တဲ့ နည်းပညာများအကြောင်း ဗဟုသုတ ရရှိသွားမယ်လို့ မျှော်လင့်ပါတယ်။